ആർഭാടങ്ങളൊഴിവാക്കി വിവാഹം; കുറ്റിപ്പുറത്തെ സമൂഹ അടുക്കളയിലേക്ക് സാന്ത്വനമേകി നവദമ്പതികൾ
കുറ്റിപ്പുറം : കൊറോണ രോഗവ്യാപനത്തിനിടയിൽ ലളിതമായ ചടങ്ങിലൂടെ വിപിനും അമൃതയും വിവാഹിതരായി. ആർഭാടങ്ങളും ആരവങ്ങളുമില്ലാതെ വിവാഹം മംഗളമായി കഴിഞ്ഞപ്പോൾ പഞ്ചായത്തിന്റെ കമ്മ്യൂണിറ്റി കിച്ചണിലേക്ക്‌ നവവധുവിന്റെയും വരന്റെയും സാന്ത്വനമെത്തി. കുറ്റിപ്പുറം ബംഗ്ലാംകുന്നിലെ പുത്തൂർപറമ്പിൽ വിജയന്റെ മകൾ അമൃതയും കല്ലൂർ രാമനിലയത്തിൽ മുകുന്ദന്റെ മകൻ വിപിനുമാണ് മുൻ നിശ്ചയിച്ചപ്രകാരം ബുധനാഴ്ച വധൂഗൃഹത്തിൽവെച്ച് വിവാഹിതരായത്.
കുറ്റിപ്പുറം പഞ്ചായത്തിന്റെ കമ്മ്യൂണിറ്റി കിച്ചണിലേക്ക്‌ 10,000 രൂപയുടെ സഹായമാണ് ഇരുവരുംചേർന്ന് നൽകിയത്. വധൂവരന്മാരിൽനിന്ന് പഞ്ചായത്ത് പ്രസിഡന്റ് ഫസീന അഹമ്മദ്കുട്ടി തുക ഏറ്റുവാങ്ങി. വാർഡ് അംഗം പി.വി. മോഹനൻ, പഞ്ചായത്ത് അസി. സെക്രട്ടറി നന്ദകുമാർ എന്നിവർ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
