കുറ്റിപ്പുറം എം ഇ എസ് എഞ്ചിനീയറിംഗ് കോളേജിൽ കോഴ്സ് ക്രൗണിംഗ് ചടങ്ങ് ‘സയനോര-23’ നടന്നു

കുറ്റിപ്പുറം: കുറ്റിപ്പുറം എം ഇ എസ് എഞ്ചിനീയറിംഗ് കോളേജിൽ വച്ച് കോഴ്സ് ക്രൗണിംഗ് ചടങ്ങ് സയനോര ’23 ഒക്ടോബർ ഏഴാം തീയതി ശനിയാഴ്ച നടന്നു. എം ഇ എസ് എഞ്ചിനീയറിംഗ് കോളേജുകളുടെ സ്റ്റാന്റിംഗ് കമ്മിറ്റി ചെയർമാൻ പ്രൊഫ. പി ഒ ജെ ലബ്ബ അധ്യക്ഷത വഹിച്ച ചടങ്ങ് കൺസ്യൂമർഫെഡ് മാനേജിംഗ് ഡയറക്ടർ Er. എം. സലിം ഉദ്ഘാടനം ചെയ്തു. എം ഇ എസ് കോളേജ് സെക്രട്ടറി Er. കെ.വി. ഹബീബുള്ള മുഖ്യപ്രഭാഷണം നടത്തി. പ്രിൻസിപ്പൽ ഡോ. ഐ റഹ്മത്തുൻസ സ്വാഗതം പറയുകയും യു ജി അക്കാഡമിക് കോർഡിനേറ്റർ ഡോ. ഇർഷാദ് അബ്ദുൽ അസീസ് നന്ദി പ്രകാശിപ്പിക്കുകയും ചെയ്തു. എം ഇ എസ് എഞ്ചിനീയറിംഗ് കോളേജ് ട്രഷറർ ജനാബ് എ. ജബ്ബാർ അലി, ലെയ്സൻ ഓഫീസർ ഡോ. സജീർ .കെ , പി ടി എ വൈസ് പ്രസിഡണ്ട് ശ്രീ ജയരാജ് നായർ , പ്ലെയ്സ്മെന്റ് ഓഫീസർ ഡോ. ബിന്ദു ആന്റോ ഒല്ലൂക്കാരൻ, പി ജി അക്കാഡമിക് കോർഡിനേറ്റർ ഡോ. മായ.ജി എന്നിവർ ആശംസകൾ അർപ്പിച്ചു സംസാരിച്ചു. കോളേജ് ഓഡിറ്റോറിയത്തിൽ വച്ച് നടന്ന പ്രൗഢഗംഭീരമായ ചടങ്ങിൽ വിവിധ ബ്രാഞ്ചുകളിലെ വിദ്യാർത്ഥികൾ അവരുടെ കോഴ്സ് സർട്ടിഫിക്കറ്റുകൾ ഏറ്റുവാങ്ങി.