വളാഞ്ചേരി നഗരം ചീഞ്ഞുനാറുന്നു; സായാഹ്ന ധർണ നടത്തി സി.പി.ഐ

വളാഞ്ചേരി: മാലിന്യപ്രശ്നം പരിഹരിക്കുക, ഐറിഷ് പദ്ധതി പൂർത്തിയാക്കുക, നഗരത്തിലെ ഗതാഗതക്കുരുക്കിന് ശാശ്വത പരിഹാരംകാണുക എന്നീ ആവശ്യങ്ങളുന്നയിച്ചും ’നഗരസഭയെ നരകസഭ’യാക്കരുതെന്ന മുദ്രാവാക്യമുയർത്തിയും സി.പി.ഐ. ലോക്കൽകമ്മിറ്റി ബസ്‌സ്റ്റാന്റ് പരിസരത്ത് സായാഹ്നധർണ സംഘടിപ്പിച്ചു. സി.പി.ഐ. മണ്ഡലം സെക്രട്ടറി അഷറഫലി കാളിയത്ത് ഉദ്ഘാടനംചെയ്തു.

പി.എ. സലാം അധ്യക്ഷനായി. ജില്ലാ കമ്മിറ്റിയംഗം പി. ജയപ്രകാശ്, സുരേഷ് വലിയകുന്ന്, ഇബ്രാഹിം കുളമംഗലം, സി.കെ. സലാം, പി.കെ. വിജേഷ് എന്നിവർ പ്രസംഗിച്ചു.