പെട്രോളിയം ഉത്പന്നങ്ങളുടെ വില വർധനവിനെതിരെ സിപിഐഎം കുറ്റിപ്പുറത്ത് ജനകീയ ധർണ സംഘടിപ്പിച്ചു

: പെട്രോളിയം ഉത്പന്നങ്ങളുടെ വില വർധനവിനെതിരെ സിപിഐഎം വളാഞ്ചേരി ഏരിയ കമ്മിറ്റിയുടെ നേതൃത്വത്തിൽ ജനകീയ ധർണ്ണ സംഘടിപ്പിച്ചു. കുറ്റിപ്പുറം എഫ് സി ഐ ഗോഡൗണിന് മുന്നിൽ വെച്ച് സംഘടിപ്പിച്ച പ്രതിഷേധസമരം സിപിഐഎം ജില്ലാ കമ്മിറ്റി അംഗം കൂട്ടായി ബഷീർ ഉത്ഘാടനം ചെയ്തു. ഏരിയ സെക്രട്ടറി കെ പി ശങ്കരൻ അധ്യക്ഷനായി. ജില്ലാ സെക്രട്ടേറിയറ്റ് മെമ്പർ വി പി സക്കറിയ, എസ് എഫ് ഐ ജില്ലാ സെക്രട്ടറി കെ എ സക്കീർ, കെ ആർ സുകുമാരൻ, കെ എം ഫിറോസ് ബാബു, എൻ വേണുഗോപാൽ, കെ പി എ സത്താർ, എ സൈതലവി, എം പി ജമീല, കെ കെ രാജീവ്‌, എം സുജിൻ, വി പി റംല, സി അബ്ദുൽ കരീം, വി കെ രാജീവ്‌ എന്നിവർ സംസാരിച്ചു.
സമാപന പൊതുയോഗം സിപിഐഎം ജില്ലാ കമ്മിറ്റി അംഗം കെ രാമദാസ് ഉത്ഘാടനം ചെയ്തു.
സി കെ ജയകുമാർ സ്വാഗതവും വി കെ രാജേന്ദ്രൻ നന്ദിയും പറഞ്ഞു.