സി.പി.എം നേതൃത്വത്തിൽ കാട്ടിപ്പരുത്തി പെരുങ്കായിക്കുളം നവീകരിച്ചു
വളാഞ്ചേരി: സി.പി.എം നേതൃത്വത്തിൽ കാട്ടിപ്പരുത്തി പെരുങ്കായിക്കുളം നവീകരിച്ചു. സംസ്ഥാന സമ്മേളനത്തിലെ തീരുമാനപ്രകാരം ലോക്കൽ കമ്മിറ്റികളുടെ നേതൃത്വത്തിൽ കുളങ്ങൾ സംരക്ഷിക്കുക, ശുചീകരിക്കുക എന്നതിന്റെ അടിസ്ഥാനത്തിലാണ് നഗരസഭക്ക് കീഴിലെ ഏറ്റവും വലിയ കുളമായ കാട്ടിപ്പരുത്തി പെരുങ്കാവിൽ കുളം വളാഞ്ചേരി ലോക്കൽ കമ്മിറ്റി ശുചീകരിച്ചു.
രാവിലെ 7 മണിക്ക്‌ ആരംഭിച്ച ശ്രമദാനം ഉച്ചക്ക്‌ ശേഷം 3 മണിക്ക്‌ അവസാനിച്ചു. എസ്.എഫ്.ഐ അഖിലേന്ത്യാ പ്രസിഡന്റും പാർട്ടി ജില്ലാ കമ്മറ്റി അംഗവുമായ വി.പി സാനു, കെ.എം ഫിറോസ് ബാബു, ടി.പി അബ്ദുൾ ഗഫൂർ, യാസിർ അറാഫത്ത്, അച്യുതൻ തുടങ്ങിയ നേതാക്കൾ നവീകരണത്തിന് നേതൃത്വം നൽകി. അമ്പതോളം പ്രവർത്തകർ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
