സി.പി.എം. നേതാവിന്റെ പേരിൽ വ്യാജ ഫെയ്‌സ്ബുക്ക് പേജ് നിർമിച്ച് പണംതട്ടുന്നതായി പരാതി
വളാഞ്ചേരി : സി.പി.എം. നേതാവിന്റെ പേരിൽ വ്യാജ ഫെയ്‌സ്ബുക്ക് പേജ് നിർമിച്ച് പണംതട്ടുന്നതായി പരാതി. ജില്ലാ സെക്രട്ടേറിയറ്റ് അംഗവും സി.ഐ.ടി.യു. ജില്ലാ ജനറൽസെക്രട്ടറിയുമായ വി.പി. സക്കറിയയാണ് ഇതുസംബന്ധിച്ച് പരാതിനൽകിയത്. അക്കൗണ്ട്‌വഴി സക്കറിയയുടെ സുഹൃത്തുക്കൾക്ക് ‘എന്നെ സഹായിക്കണമെന്നും പണം അക്കൗണ്ടിലേക്ക് അയക്കണമെന്നും ആവശ്യപ്പെട്ട് സന്ദേശം അയക്കുന്നുണ്ടെന്നും അന്വേഷിക്കണമെന്നും ആവശ്യപ്പെട്ടാണ് സക്കറിയ പരാതി നൽകിയത്.
രാജസ്ഥാനിലെ ഉദയ്‌പുരിലെ രത്‌നാകർ ബാങ്ക് ലിമിറ്റഡിലെ 309014039368 എന്ന അക്കൗണ്ട് നമ്പറിലേക്ക് പണം കൈമാറണമെന്നാണ് ആവശ്യപ്പെടുന്നത്. വ്യാജ അക്കൗണ്ട് നീക്കംചെയ്യാനും തട്ടിപ്പുനടത്തുന്നവരുടെ പേരിൽ നടപടിയെടുക്കണമെന്നും പരാതിയിൽ പറയുന്നു. പോലീസ് അന്വേഷണം തുടങ്ങിയിട്ടുണ്ട്‌.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
