പരിസ്ഥിതി സംരക്ഷണദിന സന്ദേശമുയർത്തി സൈക്കിൾ റാലി ശ്രദ്ധേയമായി
മലപ്പുറം: ലോക പരിസ്ഥിതി സംരക്ഷണ ദിനത്തോടനുബന്ധിച്ച് ജെ.സി.ഐ മലപ്പുറവും ട്രാക്ക് ആന്റ് ട്രെയിൽ മലപ്പുറവും സംയുക്തമായി സംഘടിപ്പിച്ച പരിസ്ഥിതി സംരക്ഷണദിന സന്ദേശ സൈക്കിൾ റാലി മലപ്പുറത്തിന് നവ്യാനുഭവം പകർന്നു.
പരിസ്ഥിതിസംരക്ഷണ ദിന സന്ദേശങ്ങൾ എഴുതിയ പ്ലക്കാർഡുകൾ തൂക്കി നൂറോളം സൈക്കിൾ റൈഡേഴ്സ് മലപ്പുറത്തും പരിസരപ്രദേശങ്ങളിലും പ്രയാണം നടത്തി. രാവിലെ 7 മണിക്ക് എം.എസ്.പി പരിസരത്തു വെച്ച് മുനിസിപ്പൽ ചെയർപേഴ്സൺ സി.എച്ച് ജമീല ടീച്ചർ റാലി ഫ്ലാഗ് ഓഫ് ചെയ്തു.
ട്രാക്ക് ആന്റ് ട്രെയിൽ മാനേജിംഗ് ഡയറക്ടർ നൗഫൽ, ജെ.സി.ഐ മലപ്പുറം പ്രസിഡന്റ് സക്കീർ കോഡൂർ, ജനറൽ സെക്രട്ടറി സെമീർ പാലോളി, ട്രാക്ക് ആന്റ് ട്രെയിൽ റൈഡറും ജെ.സി.ഐ മെമ്പറുമായ ഷാഫി ഡാൻസിലസ് കോഡൂർ, ജമാൽ പരവക്കൽ, ഷറഫുദ്ദീൻ കാവനൂർ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
