വളാഞ്ചേരി ∙ കോ–ഓപ്പറേറ്റീവ് കോളജിൽ നടന്ന ‘ദേശാദരം’ പരിപാടി മന്ത്രി കെ.ടി.ജലീൽ ഉദ്ഘാടനം ചെയ്തു.

എസ്എഫ്ഐ അഖിലേന്ത്യാ പ്രസിഡന്റ് വി.പി.സാനു മുഖ്യാതിഥിയായി. കോളജ് യൂണിയൻ വളാഞ്ചേരി നഗരസഭാധ്യക്ഷ എം.ഷാഹിനയും കോളജ് കലോത്സവം നഗരസഭ ഉപാധ്യക്ഷൻ കെ.വി.ഉണ്ണിക്കൃഷ്ണനും ഉദ്ഘാടനം ചെയ്തു.

കോളജിലെ അമർജ്വാല സഹായനിധിയുടെയും പൂർവ വിദ്യാർഥി സംഘടനയുടെയും ഉദ്ഘാടനം പ്രിൻസിപ്പൽ പി.പി.നാരായണൻ നിർവഹിച്ചു. കോ–ഓപ്പറേറ്റീവ് സൊസൈറ്റി വൈസ് ചെയർമാൻ സി.സനൂപ് ആധ്യക്ഷ്യം വഹിച്ചു. വ്യാപാരി വ്യവസായി ഏകോപനസമിതി ജില്ലാ സെക്രട്ടറി ടി.എം.പത്മകുമാർ, പറശ്ശേരി അസൈനാർ, വെസ്റ്റേൺ പ്രഭാകരൻ, വി.പി.എം.സ്വാലിഹ്, കെ.പി.അബ്ബാസ്, ഖാലിദ് തൊട്ടിയൻ, കെ.നജ്മുദ്ദീൻ, എ.മമ്മു, കെ.ടി.ഷിബിൻദാസ് എന്നിവർ പ്രസംഗിച്ചു. ദേശാദര സമർപ്പണവും നടത്തി.