ശിവഗിരി തീർഥാടനത്തോടനുബന്ധിച്ച് നടന്ന ദിവ്യജ്യോതിപ്രയാണത്തിന് വളാഞ്ചേരിയിൽ സ്വീകരണം നൽകി

വളാഞ്ചേരി : ശിവഗിരി തീർത്ഥാടനത്തോടനുബന്ധിച്ച് ശ്രീനാരായണ ഗുരുപ്രതിഷ്ഠ നിർവഹിച്ച കോഴിക്കോട് ശ്രീകണ്‌ഠേശ്വരം ക്ഷേത്ര പരിസരത്തുനിന്ന് ശിവഗിരിയിലേക്കാരംഭിച്ച ദിവ്യ ജ്യോതിപ്രയാണത്തിന് ജില്ലയിൽ സ്വീകരണം നൽകി.

വളാഞ്ചേരി വട്ടപ്പാറ വളവിലെ എസ്.എൻ.ഡി.പി. തിരൂർ യൂണിയൻ ഓഫീസ് പരിസരത്ത് നൽകിയ സ്വീകരണ യോഗം തിരൂർ യൂണിയൻ പ്രസിഡന്റ് കെ.ആർ. ബാലൻ ഉദ്ഘാടനം ചെയ്തു. രാജൻ കുറ്റിപ്പുറം അധ്യക്ഷത വഹിച്ചു. ദിവ്യ ജ്യോതിപ്രയാണ കമ്മിറ്റി ചെയർമാൻ കെ.ആർ. ജങ്കീഷ്, ദിവ്യജ്യോതി ക്യാപ്റ്റൻ എം.ഡി. ജഗന്നാഥൻ, ജനറൽ കൺവീനർ പി.പി. രാമനാഥൻ, ഷിജു വൈക്കത്തൂർ, സുബ്രഹ്മണ്യൻ തിരൂർ, രാജു മുക്കിലെപ്പീടിക എന്നിവർ പ്രസംഗിച്ചു.