ഡോക്ടർ ജുമാനയ്ക്ക് സാക്ഷരത മിഷന്റെ ആദരം
വളാഞ്ചേരി :കാലിക്കറ്റ്‌ യൂണിവേഴ്സിറ്റിയിൽ നിന്നും കരിയർ കൗൺസിലിംങ്ങിൽ ഡോക്ടറേറ് നേടിയ ശ്രീമതി എം കെ ജുമാനയെ കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ആദരിച്ചു. ബ്ലോക്ക് പഞ്ചായത്തിന്റെ സ്നേഹോപഹാരം ബ്ലോക്ക് പഞ്ചായത്ത് പ്രസിഡന്റ്‌ ആതവനാട് മുഹമ്മദ്‌ കുട്ടി ഡോക്ടർ ജുമാനക്ക് കൈമാറി. വളാഞ്ചേരി ഹയർ സെക്കന്ററി സ്കൂളിൽ നടന്ന ചടങ്ങിൽ കുറ്റിപ്പുറം ബ്ലോക്ക് പഞ്ചായത്ത് വിദ്യാഭ്യാസ സ്ഥിരം സമിതി ചെയർമാൻ കെ ടി സിദീഖ് അധ്യക്ഷനായിരുന്നു, ഇരിമ്പിളിയം ഗ്രാമ പഞ്ചായത്ത് പ്രസിഡന്റ്‌ ഉമ്മു കുൽസു ടീച്ചർ അഭിനന്ദന സന്ദേശം നേർന്നു. കുറ്റിപ്പുറം ബ്ലോക്ക് പഞ്ചായത്ത് വികസന കാര്യ സ്ഥിരം സമിതി ചെയർമാൻ എ പി സബാഹ് കുറ്റിപ്പുറം ബ്ലോക്ക് പഞ്ചായത്ത് തുടർവിദ്യഭ്യാസ കേന്ദ്രം കോ -ഓർഡിനേറ്റർ കെ ടി നിസാർ ബാബു, ഹരിത സേന തിരൂർ താലൂക് കോ-ഓർഡിനേറ്റർ സുരേഷ് പൂവാട്ടു മീത്തൽ എന്നിവർ സംബന്ധിച്ചു
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
