കാടാമ്പുഴ ഭഗവതീ ക്ഷേത്രത്തിൽ ദ്രവ്യകലശം സമാപിച്ചു

മാറാക്കര: എട്ടു ദിവസമായി കാടാമ്പുഴ ഭഗവതീക്ഷേത്രത്തിൽ നടന്ന ദ്രവ്യകലശം ബ്രഹ്മകലശാഭിഷേകത്തോടെ സമാപിച്ചു. രാവിലെ സുകൃതഹോമം, പരികലശാഭിഷേകം എന്നീ ചടങ്ങുകൾക്കുശേഷം വലിയ പാണിയുണ്ടായി. തന്ത്രി അണ്ടലാടി ദിവാകരൻ നമ്പൂതിരിപ്പാട്, ഉണ്ണി നമ്പൂതിരിപ്പാട്, പരമേശ്വരൻ നമ്പൂതിരിപ്പാട് എന്നിവരുടെ കാർമികത്വത്തിൽ വേദമന്ത്രങ്ങൾ ഉരുവിട്ട് മേൽശാന്തി ഹരി എമ്പ്രാന്തിരി ബ്രഹ്മകലശം ശ്രീകോവിലിലേക്ക് എഴുന്നള്ളിച്ച് തന്ത്രി സ്വയംഭൂ ബിംബോപാധിയിൽ അഭിഷേകം ചെയ്തു.