കാടാമ്പുഴ ക്ഷേത്രത്തിൽ ദ്രവ്യകലശം ഇന്ന് തുടങ്ങും

മാറാക്കര: കാടാമ്പുഴ ഭഗവതീക്ഷേത്രത്തിലെ എട്ടുദിവസത്തെ ദ്രവ്യകലശച്ചടങ്ങുകൾ ചൊവ്വാഴ്‌ച തുടങ്ങും. അണ്ടലാടി ദിവാകരൻ നമ്പൂതിരിപ്പാടിന്റെ മുഖ്യകാർമികത്വത്തിൽ വൈകുന്നേരം മൂന്നരയ്ക്ക് ആചാര്യവരണത്തോടയാണ് കലശം തുടങ്ങുക. തത്ത്വകലശാഭിഷേകം നടക്കുന്ന ഏഴിന് രാവിലെ ഒമ്പതുമണിക്കുശേഷമായിരിക്കും മുട്ടറുക്കൽ വഴിപാട് ഉണ്ടാകുക. കലശത്തിന്റെ സമാപനദിവസമായ എട്ടിന് രാവിലെ ഏഴുവരെ മുട്ടറുക്കൽ ഉണ്ടാകും. തുടർന്ന് ബ്രഹ്മകലശവും പൂമൂടലും കഴിഞ്ഞായിരിക്കും മുട്ടറുക്കൽ പുനരാരംഭിക്കുക. ദ്രവ്യകലശം നടക്കുന്ന ദിവസങ്ങളിൽ അഞ്ചുവയസ്സിനുതാഴെയുള്ള കുട്ടികളെ ക്ഷേത്രത്തിൽ പ്രവേശിപ്പിക്കുന്നതിന് നിയന്ത്രണങ്ങൾ ഉണ്ടായിരിക്കുമെന്ന് എക്‌സിക്യുട്ടീവ് ഓഫീസർ അറിയിച്ചു.