16 കിലോ കഞ്ചാവുമായി വളാഞ്ചേരി സ്വദേശികൾ എറണാംകുളത്ത് പിടിയിൽ

16 കിലോ കഞ്ചാവുമായി വളാഞ്ചേരി സ്വദേശികൾ എറണാംകുളത്ത് പിടിയിൽ. വളാഞ്ചേരി സ്വദേശികളായ ഫിറോസ്, ഷെഫീഖ് എന്നിവർ പോലീസ് പിടിയിലായി. ഇന്നലെ (04/05/19) രാത്രി എട്ടോടെ കലൂർ ബസ് സ്റ്റാന്റിൽ നിന്നാണ് എറണാകുളം നോർത്ത് പോലീസ് ഇവരെ പിടികൂടിയത്.

മറ്റു സംസ്ഥാനങ്ങളിൽ നിന്ന് കഞ്ചാവ് കടത്തി വിൽപ്പന നടത്തുന്ന മാഫിയാ സംഘവുമായി ബന്ധമുള്ളവരാണ് ഇവരെന്ന് പോലീസ് പറഞ്ഞു. രഹസ്യ വിവരത്തിന്റെ അടിസ്ഥാനത്തിലായിരുന്നു പോലീസ് ഇവരെ പിടികൂടിയത്. ആന്ധ്രാപ്രദേശിൽ നിന്നും കടത്തികൊണ്ടുവന്ന കഞ്ചാവ് വലിയ പ്ലാസ്റ്റിക് കവറുകളിൽ കെട്ടിയായിരുന്നു കടത്ത്. കൊച്ചിയിലെത്തിച്ച് ചെറിയ പായ്ക്കറ്റുകളാക്കി വിൽപ്പന നടത്താനാണ് കൊണ്ടുവന്നത്. ഇവരുമായി ബന്ധപ്പെട്ട മറ്റ് ഇടനിലക്കാരെയും, ഇടപാടുകടരെയും കുറിച്ച് പോലീസ് അന്യേഷിക്കുന്നുണ്ട്.