വടക്കുമ്പ്രം കെ.വി.യു.പി. സ്കൂളിലെ വിദ്യാർഥികൾക്ക് മുട്ടക്കോഴികളെ നൽകി

വളാഞ്ചേരി: വടക്കുമ്പ്രം കെ.വി.യു.പി. സ്കൂളിലെ പൗൾട്രി ക്ലബ്ബിലെ തിരഞ്ഞെടുത്ത അമ്പത് വിദ്യാർഥികൾക്ക് മുട്ടക്കോഴികളെ വിതരണംചെയ്തു. എടയൂർ ഗ്രാമപ്പഞ്ചായത്ത് പ്രസിഡന്റ് കെ.കെ. രാജീവ് ഉദ്ഘാടനംചെയ്തു.

വികസനകാര്യ സ്ഥിരംസമിതി അധ്യക്ഷൻ കെ.കെ. മോഹനകൃഷ്ണൻ അധ്യക്ഷനായി. പ്രഥമാധ്യാപകൻ രാജ്‌ഗോപാൽ, ബിനോയ്, പി.ടി.എ. പ്രസിഡന്റ് അബ്ദുള്ളക്കുട്ടി, മാതൃസമിതി പ്രസിഡന്റ് വിജിത, പി.പി. മോഹനൻ, യു.ടി. ഷമീർ, സിദ്ദീഖ് എന്നിവർ പ്രസംഗിച്ചു.

ഡോ. അജിത്കൃഷ്ണൻ പദ്ധതിയെക്കുറിച്ച് വിശദീകരിച്ചു. സംസ്ഥാന മൃഗസംരക്ഷണവകുപ്പിന്റെ നേതൃത്വത്തിലാണ് മുട്ടക്കോഴിവിതരണം. ഗ്രാമപ്പഞ്ചായത്തിന്റെ സമഗ്രവിദ്യാഭ്യാസ പദ്ധതിയുടെ ഭാഗമായി ഇംഗ്ലീഷ് പത്രങ്ങളുടെ പ്രകാശനവുമുണ്ടായി.