മുതിർന്ന അംഗങ്ങൾക്ക് ആദരവൊരുക്കി KSSPU എടയൂർ പഞ്ചായത്ത് കുടുംബ സംഗമം

പൂക്കാട്ടിരി: കേരള സ്റ്റേറ്റ് പെൻഷനേഴ്സ് യൂണിയൻ (KSSPU) എടയൂർ പഞ്ചായത്ത് യൂണിറ്റ് കുടുംബ സംഗമം പൂക്കാട്ടിരി വായനശാലാ ഓഡിറ്റോറിയത്തിൽ വച്ച് നടന്നു. കുടുംബ സംഗമത്തിൽ സംഘടനയിലെ 80 കഴിഞ്ഞ അംഗങ്ങളായ ടി.വി കാർത്ത്യായനി ടീച്ചറെയും ഗംഗാധര‍ൻ മാസ്റ്ററെയും ആദരിച്ചു. കുടുംബ സംഗമം പാലക്കാട് ഡയറ്റിലെ സീനിയർ ലക്ച്ചറർ ഇക്ബാൽ മാസ്റ്റർ ഉദ്ഘാടനം ചെയ്തു.

യൂണിറ്റ് സെക്രട്ടറി പി ചന്ദ്രൻ സ്വാഗതം പറഞ്ഞ യോഗത്തിൽ പ്രസിഡന്റ് എ എൻ ലീല ടീച്ചർ അധ്യക്ഷത വഹിച്ചു. Ksspu മലപ്പുറം ജില്ലാ വൈസ് പ്രസിഡന്റ് ടി.കെ നാരായണൻ മാസ്റ്റർ സംഘടനാകാര്യം സംസാരിച്ചു. ജില്ലാ കൗൺസിലർ വി.പി ദാമോദരൻ, കുറ്റിപ്പുറം ബ്ലോക്ക് കമ്മിറ്റി ജോയിന്റ് സെക്രട്ടറി പി.കെ ഹരിദാസ് എന്നിവർ ആശംസകൾ അർപ്പിച്ചു. കെ.എസ്.എസ്.പി.യു എടയൂർ യൂണിറ്റ് ജോയ്ന്റ് സെക്രട്ടറി പി സുലൈമാൻ നന്ദി പറഞ്ഞു. തുടർന്ന് കുട്ടികളുടെ കലാപരിപാടികളും നടന്നു.