ഇരിമ്പിളിയം വൈലശ്ശേരി ശിവക്ഷേത്രത്തിൻ്റെ നടപ്പുര ഉദ്ഘാടനം ചെയ്തു

ഇരിമ്പിളിയം: മലബാർ ദേവസ്വം ബോർഡിന് കീഴിലുള്ള ഇരിമ്പിളിയം ശ്രീ വൈലശ്ശേരി ശിവക്ഷേത്രത്തിന് ചോലെ കളത്തിൽ കളരിക്കൽ ലക്ഷ്മിക്കുട്ടി അമ്മ നിർമ്മിച്ചു നൽകിയ നടപ്പുര മലബാർ ദേവസ്വം ബോർഡ് ഏരിയാ കമ്മിറ്റി ചെയർമാൻ ബേബി ശങ്കർ ഉദ്ഘാടനം ചെയ്തു.ക്ഷേത്രം ട്രസ്റ്റി ഡോ.വി.രവി വാര്യർ അധ്യക്ഷനായി. അനാമിക പ്രാർത്ഥന നടത്തി.
ചടങ്ങിൽ ക്ഷേത്രത്തിൻ്റെ നവീകരണത്തിനായി സ്തുത്യർഹമായ സംഭാവന നൽകിയ ചോലെ കളത്തിൽ കളരിക്കൽ ലക്ഷ്മിക്കുട്ടി അമ്മ, വൈലശ്ശേരി വാരിയത്ത് പ്രശാന്ത് വാരിയർ, കോഞ്ചത്ത് വിജയൻ എന്നിവർക്ക് ഡോ.വി.രവിവാരിയർ, മലബാർ ദേവസ്വം ബോർഡ് മഞ്ചേരി ഡിവിഷൻ ഇൻസ്പെക്ടർ ബാബുരാജ്, ബേബി ശങ്കർ എന്നിവർ സ്നേഹോപഹാരം നൽകി ആദരിച്ചു. ട്രസ്റ്റി ചെയർമാൻ സി.വി.ഗോപി വാര്യർ, ട്രസ്റ്റ് ബോർഡ് അംഗങ്ങളായ കെ.കെ.ബാലകൃഷ്ണൻ, സി.ബാലകൃഷ്ണൻ എന്നിവർ സംസാരിച്ചു.