കാടാമ്പുഴ ദേവി ക്ഷേത്രത്തിലെത്തി ഭക്തരുടെ ആശിർവാദം ഏറ്റുവാങ്ങി ഇ.ടി

കാടാമ്പുഴ: രാവിലെ 10 മണിയോടെ കാടാമ്പുഴ ദേവി ക്ഷേത്രത്തിലെത്തിയ പൊന്നാനി ലോക്സഭ മണ്ഡലം UDF സ്ഥാനാർത്ഥി ഇ.ടി മുഹമ്മദ് ബഷീറിനെ മേൽശാന്തി പ്രമോദ് എമ്പ്രാന്തിരിയും സൂപ്രണ്ട് അച്യുതൻ കുട്ടിയും ടി.വി ഇന്ദിരയും ഭാസ്ക്കരനും ചേർന്ന് സ്വീകരിച്ചു. ക്ഷേത്രകാര്യങ്ങളും മറ്റും ചോദിച്ച് മനസ്സിലാക്കിയ ഇ.ടി ദേവി ദർശനത്തിനെത്തിയ ഭക്തരോട് വോട്ട് ചോദിച്ചു. ഏവരും നിറഞ്ഞ മനസ്സോടെയാണ്‌ സ്ഥാനാർത്ഥിയെ സ്വീകരിച്ചത്. കാടാമ്പുഴ ക്ഷേത്രം മത സൗഹാർദ്ദത്തിന് മുന്നിൽ നിൽക്കുന്നതായും വളരെ സ്നേഹത്തോടെയാണ് ക്ഷേത്ര കമ്മറ്റിയംഗങ്ങൾ സ്വീകരിച്ചതെന്നും ഇ.ടി പറഞ്ഞു.

ഒരാഴ്ച്ച കാലത്തെ പര്യടനം തനിക്ക് മികച്ച വിജയം ഉണ്ടാക്കും. ജനങ്ങൾ ആവേശത്തോടെയാണ് പ്രവർത്തനം ഏറ്റെടുത്തിരിക്കുന്നത്. കിടപ്പിലായവരേയും വ്യക്തികളേയും കാണുകയാണ് ആദ്യ പടിയെന്നും തിങ്കളാഴ്ച്ച എടപ്പാളിൽ നടക്കുന്ന പാർലമെന്റ് കൺവൻഷൻ കഴിഞ്ഞാൽ പ്രചരണം കൂടുതൽ ശക്തി പ്രാപിക്കുമെന്നും ഇ.ടി കൂട്ടിച്ചേർത്തു. ആബിദ് ഹുസൈൻ തങ്ങൾ MLA, അബു യൂസുഫ് ഗുരുക്കൾ, അബ്‌ദുറഹ്‌മാൻ രണ്ടത്താണി, ബഷീർ രണ്ടത്താണി, കൃഷ്ണൻ നായർ മാസ്റ്റർ, മൊയ്തീൻ കുട്ടി മാസ്റ്റർ, ഹംസ മാസ്റ്റർ തുടങ്ങിയവർ സ്ഥാനാർഥിക്കൊപ്പമുണ്ടായിരുന്നു.