ഫേസ് വളാഞ്ചേരി സൗഹൃദകൂട്ടായ്മ ഇഫ്താർ സംഗമം ശ്രദ്ധേയമായി

ദുബായ്: വളാഞ്ചേരി നിവാസികളുടെ പ്രവാസി സൗഹൃദകൂട്ടായ്മയായ ഫേസ് വളാഞ്ചേരി ഇഫ്താർ സംഗമം സംഘടിപ്പിച്ചു. പുതിയ ജോലികിട്ടി കുവൈത്തിലേക്ക് പോകുന്ന മുൻ പ്രസിഡന്റ് പി.പി. മുഹമ്മദലിക്ക് യാത്രയയപ്പും നൽകി.

പ്രസിഡന്റ് ഹബീബ് റഹ്‌മാൻ പാലാറയുടെ അധ്യക്ഷതയിൽ അൽഐൻ ഇന്ത്യൻ ട്രാവൽ ട്രേഡ് അസോസിയേഷൻ പ്രസിഡന്റ് അഷറഫ് വെള്ളങ്ങൽ വളാഞ്ചേരി ഉദ്ഘാടനം ചെയ്തു.

ബിജു ആളൂർ, യൂനുസ് സലീം എന്നിവർ ആശംസ നേർന്നു. പ്രസാദ് മഴുവഞ്ചേരി, ജാഫർ അബൂബക്കർ പാലാറ, നൗഷാദ് ഖാലിദ് എന്നിവർ ഉപഹാരം നൽകി. ഫൈസൽ കെ.പി. സ്വാഗതവും ജാഫർ അബൂബക്കർ പാലാറ നന്ദിയും പറഞ്ഞു.