വികസന മുന്നേറ്റ ജാഥ; വളാഞ്ചേരിയിൽ സ്വാഗതസംഘം രൂപീകരിച്ചു

വളാഞ്ചേരി:നവകേരള സൃഷ്ടിക്കായി, വീണ്ടും എൽ ഡി എഫ് എന്ന മുദ്രാവാക്യവുമായി എ വിജയരാഘവൻ നയിക്കുന്ന എൽ ഡി എഫ് വികസന മുന്നേറ്റ ജാഥക്ക് കോട്ടക്കൽ മണ്ഡലം കമ്മിറ്റിയുടെ നേതൃത്വത്തിൽ വളാഞ്ചേരിയിൽ നൽകുന്ന സ്വീകരണം വിജയിപ്പിക്കാൻ സ്വാഗതസംഘം രൂപീകരിച്ചു. ഫെബ്രുവരി 21 ന് പകൽ 3 മണിക്കാണ് ജാഥ വളാഞ്ചേരിയിൽ എത്തിച്ചേരുന്നത്.

വളാഞ്ചേരി കമ്മ്യൂണിറ്റി ഹാളിൽ വെച്ച് ചേർന്ന സ്വാഗതസംഘ രൂപീകരണ യോഗം സിപിഐഎം ജില്ലാ സെക്രട്ടേറിയറ്റ് മെമ്പർ വി പി സക്കറിയ ഉത്ഘാടനം ചെയ്തു.അഷ്‌റഫലി കാളിയത്ത് അധ്യക്ഷനായി. എൻ സി പി ദേശീയ സെക്രട്ടറി എൻ എ മുഹമ്മദ്‌കുട്ടി, സംസ്ഥാന ഹജ്ജ് കമ്മിറ്റി അംഗം സാജിത, എൻ വേണുഗോപാൽ എന്നിവർ സംസാരിച്ചു. സിപിഐഎം ഏരിയ സെക്രട്ടറി കെ പി ശങ്കരൻ സ്വാഗതവും പി ജയപ്രകാശ് നന്ദിയും പറഞ്ഞു.