കോട്ടയ്ക്കൽ വിശ്വംഭര ക്ഷേത്ര ഉത്സവം നാളെ മുതൽ

കോട്ടയ്ക്കൽ : കോട്ടയ്ക്കൽ ആര്യവൈദ്യശാലാ വിശ്വംഭരക്ഷേത്രത്തിലെ ഈ വർഷത്തെ ഉത്സവം ആറുമുതൽ പന്ത്രണ്ടുവരെ തീയതികളിൽ നടക്കും. ആഘോഷങ്ങൾ ചുരുക്കി കോവിഡ് മാനദണ്ഡങ്ങൾ പാലിച്ചായിരിക്കും ഉത്സവപരിപാടികൾ. ക്ഷേത്രച്ചടങ്ങുകളെല്ലാം നടത്തും. ഏഴ്, എട്ട്, ഒൻപത് തീയതികളിൽ പി.എസ്.വി. നാട്യസംഘാംഗങ്ങൾ മാത്രം പങ്കെടുത്തുകൊണ്ടുള്ള കഥകളി ഉണ്ടാകും. ക്ഷേത്രച്ചടങ്ങുകളുടെ ഭാഗമായുള്ള ഓട്ടൻതുള്ളൽ, പാഠകം, ചാക്യാർകൂത്ത്, തായമ്പക തുടങ്ങിയവയും ആത്മീയപ്രഭാഷണവും ഉണ്ടായിരിക്കും. പരിപാടികൾ ആര്യവൈദ്യശാലയുടെ ഫെയ്‌സ്ബുക്ക് പേജിലും യൂട്യൂബിലും ലഭ്യമാകും.