തൃക്കാർത്തിക ഉത്സവം: കാടാമ്പുഴ ഭഗവതീക്ഷേത്രത്തിൽ കലവറ നിറയ്ക്കൽ തുടങ്ങി
മാറാക്കര: കാടാമ്പുഴ ഭഗവതീക്ഷേത്രത്തിലെ തൃക്കാർത്തിക ഉത്സവത്തിന്റെ ഭാഗമായി നടക്കുന്ന പ്രസാദ ഊട്ടിലേക്കുള്ള ഉത്‌പന്നങ്ങൾ ശേഖരിക്കുന്ന കലവറനിറയ്ക്കൽ ചടങ്ങ് തുടങ്ങി. ചൊവ്വാഴ്ച രാവിലെ ക്ഷേത്രപരിസരത്ത് മലബാർ ദേവസ്വം ബോർഡ് അംഗം രാധ മാമ്പറ്റ ഉദ്ഘാടനം ചെയ്തു. എക്‌സിക്യുട്ടീവ് ഓഫീസർ ടി. ബിനേഷ്‌കുമാർ, മാനേജർ എൻ.വി. മുരളീധരൻ, എൻജിനീയർ കെ. വിജയകൃഷ്ണൻ എന്നിവരും ദേവസ്വം ജീവനക്കാരും ഭക്തരും പങ്കെടുത്തു. 27-നാണ് പ്രസാദഊട്ട്. ദേവിയുടെ പ്രതിഷ്ഠാദിനം പിറന്നാളായി ആഘോഷിക്കുന്നതിനാൽ വിഭവസമൃദ്ധമായ സദ്യവട്ടങ്ങളോടുകൂടിയാണ് പ്രസാദഊട്ട് നടക്കാറ്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
