എടരിക്കോട് വസ്ത്ര വ്യാപാര സ്ഥാപനത്തിൽ വൻ തീപിടിത്തം

എടരിക്കോട് വസ്ത്ര വ്യാപാര സ്ഥാപനത്തിൽ വൻ തീപിടിത്തം. ഹംസ ടെക്സ്റ്റൈൽസ് എന്ന സ്ഥാപനത്തിലാണ് നാലുമണിയോടെ തീപിടിത്തമുണ്ടായത്. മുകളിലത്തെ നിലയിലായിരുന്നു ആദ്യം തീ ഉയർന്നതെങ്കിലും പിന്നീട് മറ്റു നിലകളിലേക്ക് പടരുകയായിരുന്നു. വൻ അഗ്നി ബാധയിൽ കെട്ടിടം പൂർണ്ണമായും കത്തി നശിച്ചു. അഗ്നിശമന സേനയുടെ രണ്ട് വാഹനങ്ങൾ ഉടനെത്തിയെങ്കിലും വെള്ളം തീർന്നതിനാൽ ശ്രമം വിജയം കണ്ടില്ല.

തീ വീണ്ടും ശക്തമാവുകയും സമീപത്തെ കെട്ടിടങ്ങളിലേക്ക് കൂടി പടരുന്ന സാഹചര്യമുണ്ടാവുകയും ചെയ്തു. തുടർന്ന് അഗ്നിശമന സേനയുടെ അറ് യൂണിറ്റുകൾ എത്തിയാണ് തീ നിയന്ത്രണ വിധേയമാക്കിയത്. മുകളിലത്തെ നിലയിൽ തീ പടർന്ന ഉടനെ ജീവനക്കാരെ മാറ്റിയതിനാൽ ആളപായം ഉണ്ടായില്ല. തീപിടിത്തതിൽ ലക്ഷകണക്കിന് രൂപയുടെ നഷ്ടമാണ് ഉണ്ടായിരിക്കുന്നത്.