അബുദാബിപ്പടിയിൽ ബൈക്കും ഡെലിവറി വാനും കൂട്ടിയിടിച്ച് നാല് പേർക്ക് പരിക്ക്

വളാഞ്ചേരി: ദേശീയപാത 66ൽ വളാഞ്ചേരി-കുറ്റിപ്പുറം റോഡിൽ അബുദാബിപ്പടിയിൽ ബൈക്കും ഡെലിവറി വാനും കൂട്ടിയിടിച്ച് 4 പേർക്ക് പരിക്ക്. ഇന്ന് വൈകീട്ട് ആറ്‌ മണിയോടെയാണ് സംഭവം. വളാഞ്ചേരി ഭാഗത്ത് വരികയായിരുന്ന വാനിൽ കുറ്റിപ്പുറം ഭാഗത്തേക്ക് പോവുകയായിരുന്ന ബൈക്ക് ഇടിക്കുകയായിരുന്നു എന്ന് ദൃക്‌‌സാക്ഷികൾ പറഞ്ഞു.

അപകടത്തിൽ പരിക്കേറ്റ ബൈക്ക് യാത്രികരായ പാണ്ടികശാല പനങ്കാവിൽ ഫാസിൽ (18), പാണ്ടികശാല ചരയൻ‌പറമ്പിൽ നിസാം (19), പാണ്ടികശാല തെക്കേപീടിയേക്കൽ ഫായിസ് (19), വാനിൽ സഞ്ചരിച്ചിരുന്ന സി.കെ പാറ മണ്ണാറതൊടിയിൽ ഹംസ (36) എന്നിവരെ വളാഞ്ചേരിയിലെ സ്വകാര്യ അശുപത്രിയിൽ പ്രവേശിപ്പിച്ചു. അപകടത്തെ തുടർന്ന് ഈ റൂട്ടിൽ ഗതാഗത തടസം നേരിട്ടു. പോലീസ് സ്ഥലത്തെത്തി സ്ഥിതിഗതികൾ നിയന്ത്രിക്കുന്നു.