യൂണിയൻ തിരഞ്ഞെടുപ്പിൽ മികച്ച വിജയം – ഫ്രറ്റേണിറ്റി

മലപ്പുറം: കാലിക്കറ്റ് സർവകലാശാലയ്ക്കു കീഴിലെ കോളേജുകളിൽനടന്ന തിരഞ്ഞെടുപ്പിൽ മികച്ച വിജയം നേടിയെന്ന് ഫ്രറ്റേണിറ്റി മൂവ്‌മെന്റ്. സ്വന്തമായി അഞ്ച് യൂണിയനുകളും മുന്നണിയുടെ ഭാഗമായി മൂന്ന് യൂണിയനും നേടിയെന്ന് ജില്ലാ പ്രസിഡന്റ് കെ.കെ. അഷ്‌റഫ് പറഞ്ഞു.

എസ്.എഫ്.ഐ. – എം.എസ്.എഫ്. – കെ.എസ്.യു. സഖ്യത്തെ പരാജയപ്പെടുത്തി പൂപ്പലം അജാസ് ആർട്‌സ് ആൻഡ് സയൻസ് കോളേജിൽ യൂണിയൻ നേടി. യു.ഡി.എസ്.എഫുമായി സഖ്യംചേർന്ന് വളാഞ്ചേരി എം.ഇ.എസ്. കെ.വി.എം. കോളേജിലും മഞ്ചേരി ഇ.കെ.സിയിലും എസ്.എഫ്.ഐയുമായി സഖ്യംചേർന്ന് അരീക്കോട് സുല്ലമുസ്സലാമിലും ഫ്രറ്റേണിറ്റി യൂണിയൻ ഭരിക്കുമെന്ന് അദ്ദേഹം പറഞ്ഞു.