എടയൂർ എസ്.വി.എ.എൽ.പി സ്കൂളിൽ സൗജന്യ ഹെൽത്ത് ചെക്കപ്പ് ക്യാമ്പ് സംഘടിപ്പിച്ചു

എടയൂർ എസ്.വി എ.എൽ.പി സ്കൂളിന്റെ നൂറ്റിപതിനെട്ടാം വാർഷികാഘോഷത്തിന്റെ ഭാഗമായി പൂക്കാട്ടിരി ആൽഫാ മെഡികെയറിന്റെ സഹകരണത്തോടെ രക്ഷിതാക്കൾക്കായി സൗജന്യ ഹെൽത്ത് ചെക്കപ്പ് ക്യാമ്പ് നടന്നു.
തിയ്യാട്ടിൽ അബ്ദുള്ളക്കുട്ടി അധ്യക്ഷത വഹിച്ച ചടങ്ങിൽ പരിപാടിയുടെ ഔപചാരിക ഉദ്ഘാടനം എടയൂർ ഗ്രാമ പഞ്ചായത്ത് പ്രസിഡണ്ട് കെ.കെ രാജീവ് മാസ്റ്റർ നിർവ്വഹിച്ചു.

പ്രധാനാധ്യാപിക ശൈലജ എൻ.ആർ സ്വാഗതവും, സ്വാഗത സംഘം ചെയർമാൻ അമീറലി തിയ്യാട്ടിൽ, ട്രഷറർ സി. വാസുദേവൻ, പി.ടി.എ വൈസ് പ്രസിഡണ്ട്. അബ്ദുൾ സമദ് തിയ്യാട്ടിൽ , എക്സിക്യൂട്ടീവ് അംഗം എം.പി. ഇസ്ഹാഖ് എന്നിവർ ആശംസകളും നേർന്നു. കെ.ടി അബ്ദുൽ ഗഫൂർ മാസ്റ്റർ ചടങ്ങിന് നന്ദിയും അർപ്പിച്ചു. സ്കൂളിലേക്കുള്ള ഫസ്റ്റ് എയ്ഡ് കിറ്റ് ആൽഫാ മെഡികെയർ മാനേജർ സഫ്‌വാൻ പ്രധാനാധ്യാപികക്ക് കൈമാറി. ഡോ:ആഷിക് കബീർ, ഡോ:ചിത്ര എന്നിവർ ക്യാമ്പിന് നേതൃത്വം നൽകി.