മങ്കേരി കനാൽ ലിഫ്റ്റ് ഇറിഗേഷൻ പദ്ധതി വികസനത്തിനും റിപ്പയറിനുമായി 25 ലക്ഷം രൂപ അനുവദിച്ചു

മങ്കേരി: വെണ്ടല്ലൂർ ഭാഗങ്ങളിലെ കർഷകർക്ക് പ്രയോജനപ്പെടും വിധം ജലം ലഭ്യമാക്കി നെൽകൃഷി പരിപോഷിപ്പിക്കുന്നതിനായി മങ്കേരി കനാൽ ലിഫ്റ്റ് ഇറിഗേഷൻ പദ്ധതിക്ക് 25 ലക്ഷം രൂപ ഫണ്ട് അനുവദിച്ചു. ഫണ്ട് ലഭിക്കുന്നതിന് നടപടികൾ ചെയ്ത കോട്ടക്കൽ മണ്ഡലം എം‌എൽ‌എ പ്രൊഫ: ആബിദ് ഹുസൈൻ തങ്ങളെ വെണ്ടല്ലൂർ ബൂത്ത് കോൺഗ്രസ് കമ്മിറ്റി അഭിനനിച്ചു. ബാവ മാസ്റ്റർ കെ, ഹക്കീം വി‌പി, കുഞാനു ഐ.പി, ഉണ്ണിൻ കുട്ടി എം, സേതുമാധവൻ നായർ പി എന്നിവർ പ്രസംഗിച്ചു.

കഴിഞ്ഞ കാലവർഷക്കെടുതി മൂലം ഗതാഗതയോഗ്യമല്ലാതായി തീർന്ന ഇരിമ്പിളിയം യു‌പി-കരമുഖം പാത്ത് വേക്ക് വെള്ളപൊക്ക ദുരിതാശ്വാസ ഫണ്ടിൽ നിന്നും 3 ലക്ഷം രൂപയും അനുവദിച്ചു. ഇതിന്റെ ഓർഡറുകൾ വളാഞ്ചേരി ഓൻലൈനിന് ലഭിച്ചു.