വട്ടപ്പാറ വളവിൽ ഗ്യാസ് ടാങ്കർ നിയന്ത്രണം വിട്ടു മറിഞ്ഞു

വളാഞ്ചേരി: ദേശീയപാത 66ലെ വട്ടപ്പാറ വളവിൽ ഗ്യാസ് ടാങ്കർ നിയന്ത്രണം വിട്ട് മറിഞ്ഞു. ഇന്ത്യൻ ഓയിൽ കോർപ്പറേഷന്റെ ടാങ്കറാണ് അപകടത്തിൽപെട്ടത്. അപകടത്തിൽ ടാങ്കർ ഡ്രൈവർക്ക് പരിക്കേറ്റു. ഇയാളെ വളാഞ്ചേരിയിലെ സ്വകാര്യ അശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് ഇതുവഴിയുള്ള റോഡ് ഗതാഗതം ഭാഗികമായി തടഞ്ഞിരിക്കുകയാണ്. ചെറിയ വാഹനങ്ങൾ മാത്രമാണ് ഇപ്പോൾ കടത്തി വിടുന്നത്. ചേളാരിയിൽ നിന്ന് ഐ.ഒ.സി പ്രതിനിധികൾ സ്ഥലത്തെത്തി ചോർച്ചയില്ലെന്ന് ഉറപ്പ് വരുത്തിയതിന് ശേഷം മാത്രമേ വലിയ വാഹനങ്ങൾ കടത്തി വിടുകയുള്ളുവെന്ന് ബന്ധപ്പെട്ടവർ അറിയിച്ചു.