എടയൂർ മഹിളാ സമാജം 50-ാം വാർഷികം ആഘോഷിച്ചു
എടയൂർ: എടയൂർ മഹിളാസമാജം 50-ാം വാർഷികം ആഘോഷിച്ചു. ആബിദ് ഹുസൈൻ തങ്ങൾ എം.എൽ.എ. ഉദ്ഘാടനംചെയ്തു. സമാജം പ്രസിഡന്റ് ടി.വി. ഷീല അധ്യക്ഷത വഹിച്ചു. പഞ്ചായത്ത് പ്രസിഡന്റ് ഹസീന ഇബ്രാഹിം മുഖ്യാതിഥിയായി. ജില്ലാപഞ്ചായത്തംഗം എ.പി. സബാഹ് മുഖ്യപ്രഭാഷണം നടത്തി. പഞ്ചായത്തംഗം സി.കെ. അനുഷ, ഡോ. ടി.വി. ശേഖർ, കെ.കെ. മോഹനകൃഷ്ണൻ, പി.എം. സുരേഷ്, വി. ഗോപാലകൃഷ്ണൻ, പി.ടി. മോഹൻദാസ്, പി. അബ്ദുൽ ഖാദർ, പി.ടി. സുധാകരൻ, ടി.വി. സുജ എന്നിവർ പ്രസംഗിച്ചു. സമാജത്തിന് നേതൃത്വംനൽകിയ ടി.വി. കാർത്യായനി, കെ.പി. ഗോപിനാഥൻ എന്നിവരെ ആദരിച്ചു. വിവിധപരീക്ഷകളിൽ ഉന്നതവിജയം നേടിയവരെ അനുമോദിച്ചു. വാർഷികവുമായി ബന്ധപ്പെട്ട് സൗജന്യ നേത്ര, തിമിര രോഗനിർണയ ക്യാമ്പുമുണ്ടായി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
