എടയൂർ ഗ്രാമപഞ്ചായത്ത് ഗവ: ഹോമിയോ ഡിസ്പെൻസറി പുതിയ കെട്ടിട ഉദ്ഘാടനം ഇന്ന്

അത്തിപ്പറ്റ: എടയൂർ ഗ്രാമപഞ്ചായത്തിലെ അത്തിപ്പറ്റയിൽ സ്ഥിതി ചെയ്യുന്ന ഗവ ഹോമിയോ ഡിസ്പെൻസറിക്ക് ഇ.ടി മുഹമ്മദ് ബഷീർ എം.പി യുടെ 2016-2017 വർഷത്തെ 27 ലക്ഷം രുപ പ്രാദേശിക വികസന ഫണ്ട് ഉപയോഗിച്ച് എല്ലാ വിധ സൗകര്യങ്ങളോടുകൂടി നിർമ്മിച്ച പുതിയ കെട്ടിടത്തിന്റെ ഉദ്ഘാടനം 2019 ജനുവരി 12ന് ശനിയാഴ്ച വൈകു 3 മണിക്ക് ഇ.ടി മുഹമ്മദ് ബഷീർ എം.പി നിർവ്വഹിക്കും. പ്രൊഫ: ആബിദ് ഹുസൈൻ തങ്ങൾ എം.എൽ.എ അദ്ധ്യക്ഷത വഹിക്കും.

പി.വി അബദുൽ വഹാബ് എം.പി മുഖ്യാഥിതിയും, എടയൂർ ഗ്രാമപഞ്ചായത്ത് പ്രസിഡണ്ട് കെ.കെ. രാജീവ് മാസ്റ്റർ, ബ്ലോക്ക് പഞ്ചായത്ത് പ്രസിഡണ്ട് ആതവനാട് മുഹമ്മദ് കുട്ടി, ജില്ലാ പഞ്ചായത്ത് മെമ്പർ റഫീക്ക തുടങ്ങിയ ജനപ്രതിനിധികളും സാമൂഹിക സാംസ്ക്കാരിക രാഷ്ടീയ സേവന രംഗത്തെ പ്രമുഖരും ഉദ്യോഗസ്ഥ പ്രമുഖരും പങ്കെടുക്കും. ഉദ്ഘാടനത്തോടനുബന്ധിച്ച് രാവിലെ 9.30 മുതൽ ഉച്ചക്ക് 1 മണി വരെ മലപ്പുറം ജില്ല ഹോമിയോപ്പതി വകുപ്പിന്റേയും എടയൂർ ഗ്രാമപഞ്ചായത്തിന്റെയും ആഭിമുഖ്യത്തിൽ മെഗാ മെഡിക്കൽ ക്യാമ്പും ബോധവൽക്കരണ ക്ലാസും നടത്തപ്പെടുന്നു.