കുറ്റിപ്പുറത്ത് ഓഫീസിന് മുന്നിൽ നിർത്തിയിട്ട സർക്കാർ വാഹനം മോഷണം പോയി

കുറ്റിപ്പുറം: പൊതുമരാമത്ത് വകുപ്പിന് കീഴിൽ കുറ്റിപ്പുറത്ത് പ്രവർത്തിക്കുന്ന കെ.എസ്.ടി.പി. ഡിവിഷൻ ഓഫീസിലെ വാഹനം മോഷണംപോയി. KL-07-BG-7660 മഹീന്ദ്ര ബൊലേറൊ ആണ് മോഷണംപോയത്.

വ്യാഴാഴ്ച തിരൂർ റോഡിലുള്ള ഓഫീസിന്റെ മുറ്റത്ത് നിർത്തിയിട്ടതായിരുന്നു. വെള്ളിയാഴ്ച രാവിലെ ഓഫീസിലുള്ളവർ എത്തിയപ്പോൾ വാഹനം കാണാനുണ്ടായിരുന്നില്ല. കുറ്റിപ്പുറം പോലീസ് അന്വേഷണമാരംഭിച്ചിട്ടുണ്ട്.