സംസ്ഥാന സ്കൂൾ കായികമേള; ഇയാഷ് മുഹമ്മദ് വി.പിയെ അനുമോദിച്ചു വളാഞ്ചേരി നഗരസഭ ഭരണസമിതി
വളാഞ്ചേരി:-സംസ്ഥാന സ്കൂൾ കായികമേളയിൽ സീനിയർ ആൺകുട്ടികളുടെ ഹാമർ ത്രോയിൽ വെങ്കലമെഡൽ നേടിയ ഇയാഷ് മുഹമ്മദ് വി.പി യെ വളാഞ്ചേരി നഗരസഭ ഭരണസമിതി അനുമോദിച്ചു. നഗരസഭ ചെയർമാൻ അഷ്റഫ് അമ്പലത്തിങ്ങൽ ഉപഹാരം നൽകി.നഗരസഭയിലെ വാർഡ് 28 മീമ്പാറയിലെ എം. ഇ.എസ് ഹയർ സെക്കന്ററി സ്കൂളിലെ അദ്ധ്യാപകനുമായ ഇസ്‌ഹാഖ് വി.പി യുടെ മകനാണ് ഇയാഷ് മുഹമ്മദ്.സംസ്ഥാന കായിക മേളയിൽ മെഡൽ നേടിയ ഇയാഷ് മുഹമ്മദ് നാടിനഭിമാനവും മറ്റുള്ള വിദ്യാർത്ഥികൾക്ക് പ്രജോദനവുമാണ് എന്ന് നഗരസഭ ചെയർമാൻ പറഞ്ഞു.വിദ്യാഭ്യാസ കലാ-കായിക സ്റ്റാൻ്റിംഗ് കമ്മിറ്റി ചെയർമാൻ മുജീബ് വാലാസി അദ്ധ്യക്ഷത വഹിച്ച ചടങ്ങിൽ വൈസ് ചെയർപേഴ്സൺ റംലമുഹമ്മദ്,സ്ഥിരം സമിതി അദ്ധ്യക്ഷൻന്മാരായ സി.എം റിയാസ്,ഇബ്രാഹിം മാരാത്ത്,റൂബി ഖാലിദ്,ദീപ്തി ഷൈലേഷ്,നഗരസഭ സെക്രട്ടറി എച്ച്.സീന,കൗൺസിലർ ഇ.പി അച്ചുതൻ,മറ്റു വാർഡ് കൗൺസിലർമാർ തുടങ്ങിയവർ സംബന്ധിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
