വളാഞ്ചേരി ഉണ്ണിയാങ്കൽ പാടത്ത് കൊയ്ത്തുത്സവം സംഘടിപ്പിച്ചു

വളാഞ്ചേരി: വളാഞ്ചേരി ഉണ്ണിയാങ്കൽ പാടത്ത് കൊയ്ത്തുത്സവം സംഘടിപ്പിച്ചു. കുറ്റിപ്പുറം ബ്ലോക്ക് പഞ്ചായത്തിന് കീഴിൽ പ്രവർത്തിക്കുന്ന മഹിള കിസാൻ ശാക്തി കരൺ പരിയോജന പ്രവർത്തകരുടെ കൂട്ടായ്മയായ “പൊൻകതിർ ” സംഘം കഴിഞ്ഞ എട്ട് വർഷക്കാലമായി കുറ്റിപ്പുറം ബ്ലോക്ക് പഞ്ചായത്തിൻ്റെ കീഴിൽ പ്രവർത്തിച്ച് വരികയാണ്. സംഘത്തിൻ്റെ പ്രവർത്തകർ ബ്ലോക്ക് പരിധിയിലുള്ള കാവുംപുറത്തെ ഉണ്ണിയാങ്കൽപാടത്താണ് രണ്ടര ഏക്കർ സ്ഥലത്ത് നെൽകൃഷി നടത്തിയിരുന്നത്.

നെൽകൃഷിയുടെ വിളവെടുപ്പുത്സവം കുറ്റിപ്പുറം ബ്ലോക്ക് പഞ്ചായത്ത് പ്രസിഡണ്ട് വസീമ വേളേരി ഉദ്ഘാടനം ചെയ്തു. ബ്ലോക്ക് പഞ്ചായത്ത് സെക്രട്ടറി ബഷീർ എ ചടങ്ങിൽ അധ്യക്ഷനായിരുന്നു. എം.കെ.എസ്.പി ജില്ലാ കോഡിനേറ്റർ രജനി, സവിത, ബിജു തുടങ്ങിയവർ ചടങ്ങിൽ സംസാരിച്ചു.