വളാഞ്ചേരി നഗരസഭ കുടുംബശ്രീ സി.ഡി.എസിനു കീഴില്‍ കൊയ്ത്തുത്സവം നടന്നു
വളാഞ്ചേരി: വളാഞ്ചേരി നഗരസഭ കുടുംബശ്രീ സി.ഡി.എസിനു കീഴില്‍ നാലാം വാര്‍ഡില്‍ പ്രവര്‍ത്തിക്കുന്ന ആര്യന്‍ സംഘകൃഷിയുടെ കൊയ്ത്തുത്സവം വാര്‍ഡ് മെമ്പര്‍ ഫൈസല്‍ തങ്ങളുടെ അധ്യക്ഷതയില്‍ നഗരസഭ ചെയര്‍മാന്‍ അഷ്‌റഫ് അമ്പലത്തിങ്ങല്‍ ഉദ്ഘാടനം ചെയ്തു. കാര്‍ഷിക മേഖലയിലേക്ക് പുതിയ തലമുറയെ എത്തിക്കുന്നതിനുള്ള പ്രോത്സാഹനം നല്‍കുന്നതിനും കൃഷിഭവനുമായി സഹകരിച്ചു കര്‍ഷകര്‍ക്കാവശ്യമായ ധനസഹായം ലഭ്യമാക്കുന്നതിനും ആവശ്യമായ നടപടികള്‍ സ്വീകരിക്കുമെന്ന് ചെയര്‍മാന്‍ ഉറപ്പു നല്‍കി.
കാര്‍ഷിക മേഖലയുടെ പ്രവര്‍ത്തനങ്ങള്‍ മെച്ചപ്പെടുത്തുന്നതിനായും വിളവിറക്കുന്നത് മുതല്‍ കൃഷിയുടെ വിവിധ ഘട്ടങ്ങളില്‍ ധനസഹായം നല്‍കുന്നതിനും നഗരസഭ ഫണ്ട് വകയിരുത്തുമെന്നും ചെയര്‍മാന്‍ വാഗ്ദാനം നല്‍കി. ആര്യന്‍ സംഘകൃഷി ഗ്രൂപ്പിലെ 5 പേര്‍ ചേര്‍ന്ന് വടക്കേകുളമ്പ് കുന്നതൊടി നസീറിന്റെ 3 ഏക്കര്‍ പാടം പാട്ടത്തിനെ ടുത്താണ് കൃഷി ചെയ്തുവരുന്നത്. നെല്ലിന് പുറമെ വാഴ, പച്ചക്കറികള്‍, മുല്ലപ്പൂ എന്നിവയും കൃഷി ചെയ്യുന്നുണ്ട്.കൗണ്‍സിലര്‍ സി. എം. റിയാസ്, അസിസ്റ്റന്റ് കൃഷി ഓഫീസര്‍ അബ്ദുല്‍ അസീസ്, സി. ഡി. എസ്. ചെയര്‍പേഴ്‌സണ്‍ സുനിത രമേശ്, മെമ്പര്‍ സെക്രട്ടറി എസ്. സുനില്‍ കുമാര്‍, കുടുംബശ്രീ ജീവനക്കാര്‍, മുന്‍ കൗണ്‍സിലര്‍മാര്‍, പ്രദേശവാസികള്‍ എന്നിവര്‍ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
