മീമ്പാറ ഉപതെരഞ്ഞെടുപ്പിൽ മികച്ച പോളിങ്ങ്

വളാഞ്ചേരി: വളാഞ്ചേരി നഗരസഭയിലെ മീമ്പാറ ഡിവിഷനിലേക്ക് നടന്ന ഉപതെരഞ്ഞെടുപ്പിൽ മികച്ച പോളിങ്ങ്. തദ്ദേശസ്വയംഭരണ സ്ഥാപനങ്ങളിലേക്ക് 2015ൽ തെരഞ്ഞെടുപ്പ് നടന്നപ്പോൾ ലഭിച്ചതിനേക്കാൾ 2.67% അധികം വോട്ടുകൾ രേഖപ്പെടുത്തി.

ആകെ 976 വോട്ടർമാരിൽ 794 പേർ വോട്ടവകാശം വിനിയോഗിച്ചപ്പോൾ 81.35% ആയി ഇത്തവണത്തെ പോളിങ്ങ്. നാളെയാണ് വോട്ടെണ്ണൽ. ഉപതിരഞ്ഞെടുപ്പില്‍ വിജയപ്രതീക്ഷയുണ്ടെന്ന് സ്ഥാനാര്ത്ഥിദകൾ പ്രതികരിച്ചു. യുഡിഎഫിന്റെ സിറ്റിങ്ങ് സീറ്റായ മീമ്പാറ ഡിവിഷണിൽ നഗരസഭാധ്യക്ഷ ഷാഹിന മുണ്ടശ്ശേരി രാജിവെച്ച ഒഴിവിലാണ് ഉപതെരഞ്ഞെടുപ്പ് വേണ്ടിവന്നത്.

തെരഞ്ഞെടുപ്പിൽ യുഡിഎഫ് സ്ഥാനാർഥിയായി മുസ്ലിം ലീഗിലെ ഫാത്തിമ നസിയയും എൽഡിഎഫിലെ അസ്മ പാറക്കലും സ്വതന്ത്ര സ്ഥാനാർഥികളായ മുനീറ ടീച്ചറും ശ്യാമളയും തമ്മിലാണ് മത്സരം.