കോവിഡ് പ്രതിരോധ പ്രവർത്തനങ്ങളും വാ​ക്സിനേഷനും ഊർജിതപ്പെടുത്തുന്നതിന് പൂക്കാട്ടിരി സഫ ഇം​ഗ്ലീഷ് സ്കൂളിൽ ഹെൽപ്പ് ഡെസ്ക്ക് പ്രവർത്തനമാരംഭിച്ചു

പൂക്കാട്ടിരി: പൂക്കാട്ടിരി സഫ ഇം​ഗ്ലീഷ് സ്കൂളിലെ രക്ഷിതാക്കൾക്കും വിദ്യാർഥികൾക്കും ജീവനക്കാർക്കും വേണ്ടി കോവിഡ് പ്രതിരോധ പ്രവർത്തനങ്ങൾ ഊർജ്ജിതപ്പെടുത്തുന്നതിന്റെ ഭാ​ഗമായി മോണിറ്ററിംങ് സെൽ രൂപീകരിച്ചു. ഇതോടൊപ്പം വാക്സിനേഷനുമായി ബന്ധപ്പെട്ട രജിസ്ട്രേഷൻ, മറ്റു മാർ​ഗനിർദേശങ്ങൾ നൽകുന്നതിന് ഹെൽപ്പ് ഡെസ്ക്കും പ്രവർത്തനമാരംഭിച്ചു. സ്കൂളിലെ മുഴുവൻ ജീവനക്കാരുടേയും വാക്സിനേഷൻ ഉറപ്പ് വരുത്തുന്നതിന്റെ പ്രാരംഭ നടപടി ക്രമങ്ങൾ ആരംഭിക്കുകയും ചെയ്തു. പത്തം​​ഗ കോവിഡ് മോണിറ്ററിം​ഗ് സെല്ലിന്റെ പ്രവർത്തനങ്ങൾക്ക് പ്രിൻസിപ്പാൾ ഷമീർ.യു എ , അധ്യാപകരായ അബ്ദുൽ മാലിക്ക് .എം, മുഹമ്മദ് റിയാസ് വി.പി, റൈബീന, സന്ധ്യാ ബാബു എന്നിവർ നേതൃത്വം നൽകും.