എടരിക്കോട് കർഷക കോൺഗ്രസ് മണ്ഡലം കമ്മിറ്റി നിർമിച്ച വീടിന്റെ താക്കോൽ കൈമാറി

എടരിക്കോട്: എടരിക്കോട് കർഷക കോൺഗ്രസ് മണ്ഡലം കമ്മിറ്റി കക്കാടൻ സ്‌മിതയുടെ കുടുംബത്തിനു നിർമിച്ചുനൽകുന്ന വീടിന്റെ താക്കോൽദാനം പ്രതിപക്ഷനേതാവ് വി.ഡി. സതീശൻ നിർവഹിച്ചു. വളരെക്കാലമായി വാടകവീട്ടിൽ കഴിഞ്ഞിരുന്ന സ്‌മിതയുടെ കുടുംബത്തിന് എടരിക്കോട് ചുടലപ്പാറയിലാണു പതിനൊന്നുലക്ഷത്തോളം ചെലവിൽ വീടു നിർമിച്ചത്. ഡി.സി.സി. പ്രസിഡന്റ് വി.എസ്. ജോയ്, യു.ഡി.എഫ്. ജില്ലാ ചെയർമാൻ പി.ടി. അജയ് മോഹൻ, കർഷക കോൺഗ്രസ് സംസ്ഥാന പ്രസിഡന്റ് കെ.സി. വിജയൻ, ജില്ലാ പ്രസിഡന്റ് എ.പി. രാജൻ, ബ്ലോക്ക് കോൺഗ്രസ് പ്രസിഡന്റുമാരായ പന്തക്കൻ ഖാദർ, മോഹൻ വെന്നിയൂർ, കെ.പി.സി.സി. അംഗം മധുസൂദനൻ, ഡി.സി.സി. സെക്രട്ടറി ഹൈദ്രോസ്, കർഷക കോൺഗ്രസ് സംസ്ഥാന ഭാരവാഹികളായ കെ.ടി. സിദ്ദിഖ്, ഇസ്‌മയിൽ ഹാജി, അറയ്ക്കൽ കൃഷ്ണൻ, മണ്ഡലം കോൺഗ്രസ് പ്രസിഡന്റ് മുജീബ് മുല്ലപ്പള്ളി തുടങ്ങിയവർ പങ്കെടുത്തു.