ആതവനാട് ഗ്രാമപ്പഞ്ചായത്തിലെ സയ്യിദ് ഹൈദരലി ശിഹാബ് തങ്ങൾ കമ്യൂണിറ്റിഹാൾ തുറന്നു

ആതവനാട്: ആതവനാട് ഗ്രാമപ്പഞ്ചായത്തിലെ സയ്യിദ് ഹൈദരലി ശിഹാബ് തങ്ങൾ കമ്യൂണിറ്റിഹാൾ തുറന്നു. തിരൂർ നിയോജകമണ്ഡലം എം.എൽ.എ. കുറുക്കോളി മൊയ്തീൻ ഉദ്ഘാടനംചെയ്തു. പാണക്കാട് മുനവ്വറലി ശിഹാബ് തങ്ങൾ മുഖ്യാതിഥിയായി. ഗ്രാമപ്പഞ്ചായത്ത് പ്രസിഡന്റ് ടി.പി. സിനോബിയ അധ്യക്ഷതവഹിച്ചു. ബ്ലോക്ക് പ്രസിഡന്റ് വസീമ വേളേരി, വൈസ് പ്രസിഡന്റ് കെ.ടി. ആസാദ്, ഗ്രാമപ്പഞ്ചായത്ത് പ്രസിഡന്റുമാരായ കെ.പി. വഹീദ, ടി.പി. സജ്‌ന, വൈസ് പ്രസിഡന്റ് കെ.പി. ജാസർ, സ്ഥിരംസമിതി അധ്യക്ഷരായ ഒ.കെ. സുബൈർ, കെ.ടി. സുനീറ, ഷാഹിന ബഷീർ, ഭരണസമിതി അംഗങ്ങളായ നാസർ പുളിക്കൽ, സുഹറ അരീക്കാടൻ തുടങ്ങിയവർ പങ്കെടുത്തു.