വീട് വാടകക്കെടുത്ത് അനാശാസ്യം: വളാഞ്ചേരി സ്വദേശി ഉൾപ്പടെ മൂന്ന് പേർ ആറങ്ങോട്ടുകരയിൽ പിടിയിൽ
പട്ടാമ്പി: വീട് വാടകക്കെടുത്ത് അനാശാസ്യം നടത്തിയെന്ന കേസില്‍ വളാഞ്ചേരി സ്വദേശി ഉൾപ്പടെ മൂന്നുപേരെ പട്ടാമ്പി പോലീസ് അറസ്റ്റുചെയ്തു. ആറങ്ങോട്ടുകര വടക്കേക്കര മുണ്ടത്ത് പ്രേമ (55), ഇടപാടുകാരായ വളാഞ്ചേരി ചിറ്റകത്ത് വീട്ടില്‍ അന്‍വര്‍ (39), അബ്ദുള്‍ ജലീല്‍ (40) എന്നിവരെയാണ് പട്ടാമ്പി സര്‍ക്കിള്‍ ഇന്‍സ്‌പെക്ടര്‍ പി.വി. രമേഷിന്റെ നേതൃത്വത്തിലുള്ള പോലീസ് സംഘം അറസ് റ്റുചെയ്തത്. 
പെരുമുടിയൂര്‍ ആലിക്കപ്പറമ്പില്‍ വീട് വാടകക്കെടുത്ത് അനാശാസ്യം നടത്തി വരികയായിരുന്നു. പ്രേമയുടെ പേരിലാണ് വീട് വാടകക്കെടുത്തിട്ടുള്ളത്. തുടര്‍ന്ന് ആവശ്യക്കാര്‍ക്ക് കമ്മീഷന്‍ വ്യവസ്ഥയില്‍ സൗകര്യം ചെയ്തുകൊടുക്കുകയായിരുന്നു. പരിസരവാസികളുടെ പരാതിയെത്തുടര്‍ന്ന് നടത്തിയ അന്വേഷണത്തിലാണ് പ്രതികളെ അറസ്റ്റുചെയ്തത്. പട്ടാമ്പി കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
