വളാഞ്ചേരി നഗരസഭ കാരാട് ഡിവിഷനിലെ കോൺക്രീറ്റ് ചെയ്ത നാല് റോഡുകളുടെ ഉദ്ഘാടനം നിർവഹിച്ചു

വളാഞ്ചേരി:-വളാഞ്ചേരി നഗരസഭ 2024-25 വാർഷിക പദ്ധതിയിൽ ഉൾപ്പെടുത്തി കാരാട് ഡിവിഷനിലെ കോൺക്രീറ്റ് ചെയ്ത നാല് റോഡുകളുടെ ഉദ്ഘാടനം നഗരസഭ ചെയർമാനും വാർഡ് കൗൺസിലരുമായ അഷ്റഫ് അമ്പലത്തിങ്ങൽ ഉദ്ഘാടനം ചെയ്തു.വാർഡിലെ കോൺക്രീറ്റ് ചെയ്ത റോഡുകളായ തൈക്കാട് ജാറം റോഡ് 3 ലക്ഷം രൂപ ചെലവഴിച്ചും,കാരാട് മണലൊളി റോഡ് 192000 രൂപ ചെലവഴിച്ചും,കാരാട് തേൻ കുഴി റോഡ് നാല് ലക്ഷം രൂപ ചെലവഴിച്ചും,വലിയ പറമ്പ് എസ്.സി നഗർ മൈലാടി റോഡ് 3 ലക്ഷം രൂപ ചെലവഴിച്ചുമാണ് റോഡുകളുടെ പ്രവൃത്തി പൂർത്തിയാക്കിയത്.കാരാട് തേൻകുഴി റോഡ്,തൈക്കാട് ജാറം റോഡ് പ്രവൃത്തി മുഴുവാനായും പൂർത്തിയാക്കുന്നതിന് ഈ വാർഷിക പദ്ധതിയിൽ ഫണ്ട് വായിരുത്തിയതായും ചെയർമാൻ പറഞ്ഞു.കൗൺസിലർ ഷിഹാബ് പാറക്കൽ,എം.പി ഹാരിസ് മാസ്റ്റർ,നടക്കാവിൽ ഹസ്സൈനാർ,പി. ഷിഹാബുദീൻ, ഉണ്ണി പഴൂർ, മമ്മി നടക്കാവിൽ, കെ.ടി ഉസ്മാൻ ഹദീദ്,കെ. റിയാസ്, കെ.ടി നിസാർ ബാബു,സി.പി മുഹമ്മദലി,കെ.ഷമീർ തുടങ്ങിയവർ സംബന്ധിച്ചു.