ഇടവിളക്കിറ്റിന്റെ വിതരണോദ്ഘാടനം വളാഞ്ചേരി നഗരസഭയിൽ നടന്നു

വളാഞ്ചേരി:-വളാഞ്ചേരി നഗരസഭ 2024-25 വാർഷികപദ്ധതിയിൽ ഉൾപ്പെടുത്തി നടപ്പിലാക്കുന്ന ഇടവിളക്കിറ്റിന്റെ വിതരണോദ്ഘാടനം നഗരസഭചെയർമാൻ അഷ്റഫ് അമ്പലത്തിങ്ങൽ നിർവ്വഹിച്ചു.വികസനകാര്യ സ്റ്റാൻ്റിംഗ് കമ്മിറ്റി ചെയർമാൻ സി.എം റിയാസ് അദ്ധ്യക്ഷത വഹിച്ചു.അപേക്ഷ നൽകിയ 1800 ഗുണഭോക്താക്കൾക്ക് കിറ്റ് വിതരണം ചെയ്തു.മുഴുവൻ തുകയും സബ്സിഡിയായാണ് പദ്ധതി നടപ്പിലാക്കുന്നത്.മഞ്ഞൾ,ചേമ്പ്,കാവ്വുത്ത്,കൂർക്ക,കൊള്ളി കിഴങ്ങ് തുടങ്ങിയവയാണ് കിറ്റിൽ ഉൾപ്പെടുത്തിയിട്ടുള്ളത്.കൃഷി ഓഫീസർ ഫസീല സ്വാഗതം പറഞ്ഞ ചടങ്ങിൽ നഗരസഭ വൈസ് ചെയർപേഴ്സൺ റംല മുഹമ്മദ്,സ്ഥിരം സമിതി അംഗങ്ങളായ മുജീബ് വാലാസി,ഇബ്രാഹിം മാരാത്ത്,റൂബി ഖാലിദ്,ദീപ്തി ഷൈലേഷ്,നഗരസഭ സെക്രട്ടറി എച്ച്.സീന,ആസൂത്രണ സമിതി വൈസ് ചെയർമാൻ സി.അബ്ദുന്നാസർ,അംഗങ്ങളായ അസൈനാർ പറശ്ശേരി,സലാം വളാഞ്ചേരി,ഇ പി അച്ചുതൻ,നീറ്റുക്കാട്ടിൽ മുഹമ്മദലി,സുരേഷ് പാറാതൊടി,വി.പി സാലിഹ് തുടങ്ങിയവർ സംബന്ധിച്ചു.