പോക്സോ കേസിൽ ഇരിമ്പിളിയം സ്വദേശി പിടിയിൽ

കുറ്റിപ്പുറം: പ്രായ പൂർത്തിയാകാത്ത പെൺകുട്ടിയെ പീഡിപ്പിച്ചെന്ന പരാതിയിൽ ഇരിമ്പിളിയം സ്വദേശിയെ കുറ്റിപ്പുറം പോലീസ് അറസ്റ്റ് ചെയ്തു. ഇരിമ്പിളിയം വെണ്ടല്ലൂർ സ്വദേശി ഇല്ലത്തുംപടി വീട്ടിൽ കാരിയുടെ മകൻ ശിവദാസനെയാണ് കുറ്റിപ്പുറം സി.ഐ പ്രമോദ് എം.സിയുടെ നേതൃത്വത്തിൽ അറസ്റ്റ് ചെയ്തത്. ഇയാൾ ഓട്ടോ ഡ്രൈവർ ആയി ജോലി ചെയ്ത് വരികയായിരുന്നു. നിരവധി തവണ ഇയാൾ പെൺകുട്ടിയെ പീഡിപ്പിച്ചെന്നാണ് പരാതി. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.