പൂക്കാട്ടിരി ഐ.ആർ.എസ് സ്കൂൾ വിദ്യാർഥികൾ മിനി പമ്പ പരിസരം ശുചീകരിച്ചു

കുറ്റിപ്പുറം: ക്ലീൻ ശബരിമല പദ്ധതിയുടെ ഭാഗമായി കുറ്റിപ്പുറം മിനി പമ്പ പരിസരം പൂക്കാട്ടിരി ഐആർഎസ് എൻ.എസ്.എസ്.യൂണിറ്റ് അംഗങ്ങൾ ശുചീകരിച്ചു. മിനി പമ്പയിൽ വിരിവച്ച അയ്യപ്പന്മാർക്ക് പ്ലാസ്റ്റിക് ഉപയോഗം കുറയ്ക്കുന്നതിനുള്ള ബോധവത്കരണവും നൽകി.
പ്രദേശത്ത് നിളാ തീരത്തെ പ്ലാസ്റ്റിക് മാലിന്യങ്ങൾ വൊളന്റിയർമാർ നീക്കി. പ്രോഗ്രാം ഓഫീസർ കെ. അബ്ദുസ്സമദ് നേതൃത്വം നൽകി.വിദ്യാർത്ഥികളായ കെ.യാസർ, കെ.പി.ഷഫ്ന ഷെറിൻ, കെ.അമീന, സി.കെ.റാഷിക് റഹ് മാൻ എന്നിവർ ബോധവൽക്കരണ പരിപാടികൾക്ക് മേൽനോട്ടം വഹിച്ചു.

Content Highlights: irshss mini pamba students