പീഢനം; കൗൺസിലർ സ്ഥാനം രാജി വെക്കണം, സി.പി.എം നയം വ്യക്തമാക്കണം-മുസ്‌ലിം ലീഗ്‌
വളാഞ്ചേരി: പീഡനക്കേസിൽ അകപ്പെട്ട വളാഞ്ചേരി നഗരസഭയിലെ സി പി എം കൗൺസിലർ സ്ഥാനം രാജിവെക്കണമെന്ന് മുസ്‌ലിം ലീഗ്‌ വളാഞ്ചേരി മുനിസിപ്പൽ കമ്മിറ്റി ആവശ്യപ്പെട്ടു. പണവും ഭരണസ്വാധീനവും ഉപയോഗിച്ച്‌ എന്ത്‌ തെമ്മാടിത്തരവും കാണിക്കാമെന്ന അഹങ്കാരമായിരുന്നു ഈ കൗൺസിലർക്കെന്നും, സി.പി.എം കാളിയാല ബ്രാഞ്ച്‌ കമ്മിറ്റി അംഗം കൂടിയായ ഇയാളുടെ എല്ലാ വൃത്തികേടുകൾക്കും പാർട്ടിയുടെ കൂടി സഹായം ഉണ്ടായിരുന്നു എന്നും കമ്മിറ്റി ആരോപിച്ചു.
ഒരു നിമിഷം പോലും ഇനി കൗൺസിലറായി തുടരാൻ ഇയാളെ അനുവദിക്കരുതെന്നും മുസ്‌ലിം ലീഗ്‌ ആവശ്യപ്പെട്ടു.. പ്രസിഡണ്ട്‌ അഷ്‌റഫ്‌ അമ്പലത്തിങ്ങൽ അധ്യക്ഷത വഹിച്ചു. സലാം വളാഞ്ചേരി, സി അബ്ദുന്നാസർ, യു യൂസുഫ്‌, മുസ്തഫ മാസ്റ്റർ, മൂർക്കത്ത്‌ മുസ്തഫ, സി ദാവൂദ്‌ മാസ്റ്റർ, നീറ്റുകാട്ടിൽ മുഹമ്മദലി, ടി കെ സലീം, പി പി ഷാഫി എന്നിവർ സംബന്ധിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
