കാദറലി അഖിലേന്ത്യാ ഫുട്ബോള്‍ ടൂര്‍ണമെന്റ് ഡിസംബര്‍ ഒന്നു മുതല്‍
ഡിസംബര്‍ ഒന്നുമുതല്‍ നെഹ്റു സ്റ്റേഡിയത്തില്‍. പെരിന്തല്‍മണ്ണയിലെ സെവന്‍സ് ഫുട്ബോളിന്റെ പ്രഗല്‍ഭ താരങ്ങളായിരുന്ന കാദറിന്റെയും മുഹമ്മദലിയുടെയും ഓര്‍മയ്ക്കായാണ് ടൂര്‍ണമെന്റ്. കാദറലി സ്പോര്‍ട്സ് ക്ളബ്ബാണ് സംഘാടകര്‍. ടൂര്‍ണമെന്റില്‍നിന്നും കിട്ടുന്ന ലാഭം ഇ എം എസ് വിദ്യാഭ്യാസ കോംപ്ളക്സ്, കിഡ്നി വെല്‍ഫെയര്‍ സൊസൈറ്റി, പെരിന്തല്‍മണ്ണ പെയിന്‍ ആന്‍ഡ് പാലിയേറ്റീവ് ക്ളിനിക്ക് എന്നിവക്കും ചെറുപ്രായക്കാരായ ഫുട്ബോള്‍ താരങ്ങളെ പ്രോത്സാഹിപ്പിക്കുന്നതിനും ജീവകാരുണ്യ പ്രവര്‍ത്തനങ്ങള്‍ക്കും ചെലവഴിക്കും. വൈകിട്ട് നാലിന് വിളംബര ജാഥയും വൈകിട്ട് ആറ് മുതല്‍ എട്ട് വരെ നെഹ്റു സ്റ്റേഡിയത്തില്‍ ഗാനമേളയുമുണ്ടാകുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
