കുളമംഗലം മഞ്ചറ മഹാദേവക്ഷേത്രത്തിൽ കളംപാട്ട് കൂറയിട്ടു

വളാഞ്ചേരി: മഞ്ചറ മഹാദേവക്ഷേത്രത്തിൽ 20 ദിവസം നീണ്ടു നിൽക്കുന്ന കളംപാട്ടിന് തുടക്കമായി. ക്ഷേത്രം മേൽശാന്തി പരമേശ്വരൻ എമ്പ്രാന്തിരി പൂജിച്ച് നൽകിയ കൂറ ഹരീഷ് കുറുപ്പ് നാഗലശ്ശേരി ആണ് പാട്ടരങ്ങിൽ ചാർത്തിയത്.വൈകിട്ട് അത്താഴപൂജയ്ക്കു ശേഷം നടന്ന കളംപാട്ടിന് കടന്നമണ്ണ ശ്രീനിവാസൻ നേതൃത്വം നല്കി.ക്ഷേത്രം ഊരാളൻ ഗോവിന്ദൻ കുട്ടി, ഡൊ.സുരേഷ്,അനിൽകുമാർ മറ്റ് കമ്മറ്റി ഭാരവാഹികൾ ഭക്തജനങ്ങൾ എന്നിവർ ചടങ്ങിൽ പങ്കെടുത്തു. കോവിഡ് മാനദണ്ഡങ്ങൾ പാലിച്ചാണ് ക്ഷേത്രത്തിൽ ചടങ്ങുകൾ നടക്കുന്നത്.