ചെല്ലൂർ പറക്കുന്നത്ത് ക്ഷേത്രത്തിലെ കളംപാട്ട് സമാപിച്ചു

കുറ്റിപ്പുറം : ചെല്ലൂർ പറക്കുന്നത്ത് ഭഗവതീക്ഷേത്രത്തിലെ കളംപാട്ട് സമാപിച്ചു. ചെല്ലൂർ അന്തിമഹാകാളൻകാവിൽനിന്ന് എഴുന്നള്ളിപ്പുണ്ടായി. എഴുന്നള്ളിപ്പിന് പാപ്പിനിക്കാവ് കുഞ്ഞൻ ചോപ്പൻ നേതൃത്വം നൽകി. ട്രസ്റ്റംഗം കെ.സി. ദേവാനന്ദ്, കൊല്ലോടി മുരളി, അമൃതാ ബാലൻ, ഉഷ ദേവാനനന്ദ്, ഗീതാരാജൻ എന്നിവർ ചടങ്ങുകളിൽ കാർമ്മികരായി. തൃശ്ശൂർ പാലക്കൽ കണ്ണന്റെ നേതൃത്വത്തിലായിരുന്നു രണ്ടുദിവസം നീണ്ടുനിന്ന കളംപാട്ട് നടന്നത്.