പച്ചീരി മഹാവിഷ്ണുക്ഷേത്രത്തിലെ കളംപാട്ട് ഇന്ന് തുടങ്ങും; നാട്ടുതാലപ്പൊലി 27-ന്

വളാഞ്ചേരി : വൈക്കത്തൂർ പച്ചീരി മഹാവിഷ്ണുക്ഷേത്രത്തിലെ നാൽപത്തിയൊന്ന് ദിവസത്തെ കളംപാട്ട് ഉത്സവം ചൊവ്വാഴ്ച കൂറയിടും. തന്ത്രി കാലടി പടിഞ്ഞാറേടത്ത് മനയ്ക്കൽ ശങ്കരൻ ഉണ്ണി നമ്പൂതിരിപ്പാട്, മേൽശാന്തി കുൽദീപ് മിശ്രാജി എന്നിവരുടെ കാർമികത്വത്തിൽ ശ്രീലകത്ത് നടക്കുന്ന വിശേഷാൽ പൂജകൾക്കുശേഷം കൊടിയേറ്റ് നടക്കും.

പാട്ട്മണ്ഡപത്തിൽ ഊരാളൻ നീലകണ്ഠൻ മൂസതിന്റെ അനുമതിയോടെ പട്ടാമ്പി ബേബിക്കുറുപ്പ്, ഹരീഷ് നാഗലശ്ശേരി എന്നിവരാണ് പാട്ട് കൂറയിടുക. ക്ഷേത്രക്കമ്മിറ്റിയുടെ നേതൃത്വത്തിൽ നടക്കുന്ന കളംപാട്ടുത്സവം മാർച്ച് 27-ന് നാട്ടുതാലപ്പൊലിയോടെ സമാപിക്കും.