വളാഞ്ചേരി നഗരസഭയിലെ കാരാട് മൊട്ടപ്പുറം-മണലൊളി റോഡ് ഉദ്ഘാടനം ചെയ്തു

വളാഞ്ചേരി:വളാഞ്ചേരി നഗരസഭ കാരാട്(5) ഡിവിഷനിൽ നിർമ്മിച്ച കാരാട്- മൊട്ടപ്പുറം മണലൊളി റോഡ് പ്രൊഫ. ആബിദ് ഹുസൈൻ തങ്ങൾ എം.എൽ.എ ഉദ്ഘാടനം ചെയ്തു.നഗരസഭാ ചെയർമാൻ അഷറഫ് അമ്പലത്തിങ്ങൽ അധ്യക്ഷത വഹിച്ചു. എം.എൽ.എയുടെ 2020 – 21 വർഷത്തെ പ്രത്യേക വികസന പദ്ധതിയിൽ നിന്നും 2.5 ലക്ഷം രൂപ ഉപയോഗിച്ചാണ് റോഡ് കോൺക്രീറ്റ് ചെയ്ത് നവീകരിച്ചത്.

ടി.കെ.ആബിദലി, സി.ദാവൂദ്, എം.പി.ഹാരിസ്, എം.പി ഷാഹുൽ ഹമീദ്, കെ.മുജീബ് റഹ്മാൻ, എം.ഷംസുദ്ദീൻ, ഷംസീർ ബാബു.എൻ, ഉസ്മാൻ അദീദ്, ഒ.കെ മുജീബ്, എൻ. മമ്മി, തെണ്ടത്ത് സൈദലവി, നൗഷാദ്. ഒ.കെ, കെ.ഷംസുദ്ദീൻ തുടങ്ങിയവർ സംബന്ധിച്ചു.