അവശ്യസാധനങ്ങൾക്ക് സൗജന്യ കൂപ്പൺ വിതരണം ചെയ്തു കരിപ്പോളിയൻസ് ചാരിറ്റബിൾ സൊസൈറ്റി

ആതവനാട്: ആതവനാട് കരിപ്പോൾ പ്രദേശത്ത് ഭക്ഷണം ഉറപ്പാക്കാൻ സൗജന്യമായി അവശ്യസാധനങ്ങൾ വാങ്ങാൻ കഴിയുന്ന പർച്ചേസിങ് കൂപ്പൺ വിതരണംചെയ്ത് കരിപ്പോളിയൻസ് ചാരിറ്റബിൾ സൊസൈറ്റി. പ്രദേശത്തെ സുമനസ്സുകളുടെ സഹായവും സംഘടനയുടെ ജീവകാരുണ്യഫണ്ടും ഉപയോഗിച്ചാണ് പദ്ധതി നടപ്പാക്കിയത്.

ഒരു കുടുംബത്തിന് പലചരക്ക്, പച്ചക്കറി, പഴങ്ങൾ അല്ലെങ്കിൽ മരുന്നോ സൗജന്യമായി ഇതിലൂടെ വാങ്ങാം. മേഖലയിലെ ഹോം ഡെലിവറി ചെയ്യുന്ന മൂന്ന് കടകളുടെയും വെട്ടിച്ചിറയിലെ ഒരു മരുന്ന് ഷോപ്പിെന്റയും സഹകരണത്തോടെയാണ് പദ്ധതി. ആതവനാട് ഗ്രാമപ്പഞ്ചായത്ത് വൈസ് പ്രസിഡന്റ് ജാസർ കരിങ്കപ്പാറ റിലീഫ് കമ്മിറ്റി ചെയർമാൻ മൂർക്കത്ത് മുജീബിന് കൂപ്പൺ നൽകി ഉദ്ഘാടനം നിർവഹിച്ചു.