കുറഞ്ഞ വിലയില്‍ ആടുതീറ്റയുമായി കേരള ഫീഡ്സ്
കൊല്ലം: ആട് വളര്‍ത്തല്‍ പ്രോത്സാഹിപ്പിക്കുന്നതിന്‍റെ ഭാഗമായി കുറഞ്ഞ വിലയ്ക്ക് ആടുതീറ്റ വിപണിയിലിറക്കി സംസ്ഥാന പൊതുമേഖലാ കാലിത്തീറ്റ ഉത്പാദകരായ കേരള ഫീഡ്സ്. കൊല്ലത്തു നടന്ന ചടങ്ങില്‍ കേരള ഫീഡ്സ് റെഗുലര്‍ എന്ന ആടുതീറ്റ കമ്പനി ചെയര്‍മാന്‍ കെ.എസ്. ഇന്ദുശേഖരന്‍ നായര്‍ പുറത്തിറക്കി. കമ്പനിയുടെ കരുനാഗപ്പള്ളി, കോഴിക്കോട് പ്ലാന്‍റുകളിലാണ് ഇതുത്പാദിപ്പിക്കുന്നത്. ചാക്കൊന്നിന് 480 രൂപയാണ് വില. കേരളത്തില്‍ സംയോജിത കൃഷി വ്യാപകമാകുന്നതിനാല്‍ ആടു വളര്‍ത്തലിന് സാധ്യതയേറി വരികയാണെന്ന് കേരള ഫീഡ്സ് എംഡി ഡോ. ബി. ശ്രീകുമാര്‍ പറഞ്ഞു. വിപണിയില്‍ കുറഞ്ഞ വിലയ്ക്കുള്ള ആട്തീറ്റയുടെ കുറവ് നികത്താനാണ് പുതിയ ഉത്പന്നം കേരള ഫീഡ്സ് ആരംഭിച്ചത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
